Əlcəzair telekanalında Azərbaycan haqqında növbəti sənədli film nümayiş etdirilib
Azərbaycanın Əlcəzairdəki səfirliyindən verilən məlumata görə, sənədli filmdə ölkəmizin tarixi abidələri, mədəniyyəti, füsunkar təbiəti və zəngin mətbəxi nümayiş olunub. Burada, həmçinin Azərbaycanın turizm imkanlarından, mətbəxindən, təbiətindən, milli musiqisindən, xalçaçılıq sənətindən və zəngin memarlığından bəhs edilir.
Ekran əsərində İçərişəhər, Dənizkənarı Milli Park, ölkəmizin memarlıq abidələri əlcəzairli jurnalist tərəfindən tamaşaçılara təqdim olunub.
Qeyd edək ki, iki hissədən ibarət filmin birinci hissəsi artıq yayımlanıb. Bu, cari ilin yanvarında Əlcəzair telekanallarında Azərbaycan haqqında nümayiş etdirilən üçüncü filmdir.
