Azərbaycan xalqının ümummilli lideri Heydər Əliyevin doğum günü münasibəti ilə Abşeron Rayon Məmmədli Bələdiyyəsi tərəfindən ərazi daxilində bir sıra abadlıq-quruculuq işləri görülmüşdür. Ulu öndərin əziz xatirəsinə ehtiram əlaməti olaraq Məmmədli qəsəbəsində yerləşən park və ictimai istirahət
məkanlarında təmizlik yaşıllaşdırma və abadlqı işləri aparılmış, dekorativ gül kolları və ağaclar əkilmişdir. Heydər Əliyev adına abidənin yerləşdiyi ərazidə xüsusi
abadlıq tədbirləri həyata keçirilmiş, ətraf mühitin estetikasına diqqət yetirilmişdir.
Eyni zamanda qəsəbə daxilində küçələrin asfalt örtüyü bərpa olunmuş, səkilər təmir edilmiş, yeni oturacaqlar və tullantı qutuları quraşdırılmışdır. Sakinlərin istirahəti və təhlükəsizliyi üçün gecə işıqlandırma sistemləri təkminləşdirilmişdir. Məmmədli Bələdiyyəsinin sədri Ceyhun müəllim qeyd etmişdir: “ Ulu öndər Heydər Əliyevin əziz xatirəsini yaşatmaq və onun bizə miras qoyduğu dəyərləri qorumaq bizim mənəvi borcumuzdur. Bələdiyyə olaraq həm Ulu öndərin xatirəsinə layiqli tədbirlər görmək, həm də sakinlərimiz üçün daha gözəl yaşayış mühitini yaratmaq məqsədi
ilə davamlı olaraq abadlıq və quruculuq işləri həyata keçiririk”.
Qeyd edirik ki, bu istiqamətdə işlər bələdiyyənin inkişaf planına uyğun olaraq mərhələli şəkildə davam etdiriləcəkdir.
Məmmədli Bələdiyyəsinin sədri Ceyhun müəllim daim sakinlərin rifahını ön planda tutan, onların problemlərinə həssaslıqla yanaşan, xalqa xidmət prinsipi ilə çalışan bir şəxsdir. Biz də “Xəbər Global Tv.az” web saytının əməkdaşları olaraq
Məmmədli Bələdiyyəsinin sədri Ceyhun müəllimə məsuliyyətli və dəyərli fəaliyyətində uğurlar arzu edirik. Uğurlu fəaliyyəti ilə seçilən belə rəhbərlərin gördüyü işləri işıqlandırmağı bir şayət olaraq özümüzə borc bildik.

Direktor Orxan Əhmədov