İctimaətin nəzərinə çatdırmaq istəyirik ki, 10.07.2025 ildə Şirvan Apeliasiya Məhkəməsində “XeberGlobalTV.Az” veb saytının direktoru jurnalist Orxan Bahəddin oğlu Əhmədovun məhkəmə prosesi keçiriləcəkdir. Məhkəmə prosesinə sədrlik edən hakim Pərviz Hacıyevdir. “XeberGlobalTV.Az” veb saytı adından hakim Pərviz Hacıyevin ədalətli qərar çıxaracağına ümid edirik. Ondan ötrü də jurnalist Orxan Əhmədov Azərbaycan Respublikasının Ədliyyə Nazirliyinin Penitensiar Xidmətinin IX saylı cəza çəkmə müəsissəsindən Penitensiar Xidmətin Umbakı Penitensiar müəsissəsinə, oradan da Daxili Işlər Nazirliyinin Şirvan şəhər Polis Idarəsinin müvəqqəti saxlanma yerinə etab ediləcəkdir. Qeyd etməyi özümüzə borc bilirik ki, Orxan Əhmədovun xanımı Yeganə Əhmədovanın dəfələrlə aidiyyatı orqanlara müraciətləri olmuşdur. Çünki jurnalist Orxan Əhmədov özü ağır Şəkərli Diabet xəstəsi, həmçinin də beş uşaq atasıdır. Onun himayəsində beş yetkinlik yaşına çatmayan uşaq olması ilə yanaşı altıncı övladı da dünyaya gələcəkdir. O cümlədən onu da nəzərinizə çatdıraq ki, zərərçəkmiş qismində təqdim edilən şəxslə də barışıq olunmuş, bununla bağlı barışıq ərizəsi natorial qaydada təstiq olunaraq təqdim edilmişdir.Diqqətinizə görə minnətdarıq.