10. 04. 2024-cü il tarixində Ramazan bayramı münasibəti ilə Azərbaycan Respublikası Əmək və Əhalinin Sosial Müdafiəsi Nazirliyinin, Sosial Xidmətlər Agentliyinin tərəfdaşlığı ilə Bakı şəhərinin Xəzər rayonunda yerləşən 1 saylı Sosial Xidmət Müəssisəsinin sakinləri üçün "Ramazan payı" adlı xeyriyyə tədbiri keçirilib.
Bayram tədbiri təşkilatçı-prodüsser Lalə Dadaşovanın, "Nur Organization"-nun rəhbəri Kamran Nurun, "Əkinçi" Təhsil, Ekologiya və Sosial Tərəqqi naminə ictimai birliyinin təsisçisi Emin Hacısoy TürkƏrin, "Aran Media Group"-un direktoru Şeyda Əzizovanın, "Mübarizlər" ictimai birliyinin sədr müavini Gülnar Nəsiblinin, "EduSun" təhsil mərkəzinin təsisçisi Cavid Şakiroğlunun, "Mübarizlər" idman klubu MMC-nin direktoru Elxan Əhmədovun birgə təşkilatçılığı ilə baş tutub.
Tədbir təşkilatçı Lalə Dadaşovanın başlatdığı "Bir zərrənin sevinci" adlı xeyriyyə marafonu çərçivəsində, aparıcı Zeynəb Kəngərlinin təqdimatında Azərbaycan Respublikasının Dövlət Himni ilə açıq elan olundu, şəhidlərimizin xatirəsi bir dəqiqəlik sükutla yad edildi.
Tədbirdə ilk olaraq Sosial Xidmətlər Agentliyinin nümayəndəsi Vüsal Hətəmov və 1 saylı Psixonevroloji Sosial Xidmət Mərkəzinin müdür müavini Murad Qəhrəmanlı çıxış etdilər, tədbir iştirakçılarına öz təşəkkürlərini bildirdilər. Pedaqoq, "Aran Media İnformasiya Group"-un rəhbəri Şeyda Əzizova çıxış edərək mərkəz sakinlərini bayram münasibəti ilə təbrik etdi və xoş arzularını bildirdi. Daha sonra Millət vəkili Ceyhun Məmmədov, Respublika Prokurorluğunun idarə prokuroru Məmməd Əliyev çıxış edərək öz ürək sözlərini mərkəzin sakinləri ilə bölüşdülər.
Bayrama özəl hazırlanmış konsert proqramında Hövsan Mədəniyyət Sarayının "Zəfər" xor kollektivinin ifasında "Ramazan" mahnısı səsləndirildi və rəqs nümayiş olundu.
Populyar müğənnilər Rövşən Binəqədili, Zaur Quluzadə, Ağazaman Salamzadə, bəstəkar, "Qarabağ bülbülü" Aybəniz Bəhramqızı, Aysel Əlizadə, Dağıstanlı müğənni Nadia Mikayıl və "Nağıl Band" musiqi qrupu, Ədalət Abasov, Qismət Osmanov, Əli Feyzullayev, Gülnaz Nəbili, Əsnad Əliyeva, Kamal Dadaşov və rəqqasə Amaliya Ağayeva biri birindən gözəl musiqi nömrələri ilə mərkəzin sakinlərini şənlındirdilər.
Təşkilatçılar tərəfindən mərkəzin sakinlərinə bayram süfrəsi də təşkil olunmuşdu.
Tədbirin sonunda "Mübarizlər" ictimai birliyi və "Aran Media İnformasiya Group" tərəfindən tədbir təşkilatçılarına, tədbir iştirakçılarına və xüsusi qonaqlara təşəkkürnamələr təqdim olundu. "Əkinçi"-Təhsil, Ekologiya və Sosial Tərəqqi Naminə ictimai birliyi ailəsinin "EL BİR OLSA" şüarı adı altında xatirə şəkilləri çəkildi.

Nüşabə Əhməd