Nadir Bayramlı 1962-ci ildə 26 dekabr tarixində Azərbaycan Respublikası, Füzuli rayonunun Qaraxanbəyli kəndində musiqiçi ailəsində anadan olmuşdur. Uşaqlıq yaşlarından musiqiyə olan həvəsi onu bu sənəti seçməyə istiqamətləndirdi. Artıq on iki, on üç yaşlarında özfəaliyyət səviyyısində bir sıra tədbirlərdə çıxış etmişdir. 1978-ci ildə artıq 16 yaşında ikən Nadir bəy Füzuli şəhərinə köçmüş və uzun müddət burada yaşamışdır. Füzulidə yaşadığı müddətdə bir sıra tanınmış sənət adamları ilə - xanəndələrlə tanış olaraq sənətin sirrlərini onlardan öyrənmişdir. 1981-ci ildə 19 yaşında hərbi xidmətə yola düşmüş 21 yaşında hərbi xidməti bitirib 1984 cü ildə Üzeyir Hacıbəyov adına Ağdam şəhər musiqi texmikumunun solo oxuma-xanəndəlik sinfinə qəbul olmuşdur. 1988 - ci ildə təhsilini bitirdikdən sonra, Füzuli şəhər musiqi məktəbində muğam muəllimi kimi fəaliyyətə başlamışdır.
1990-ci ildə Bakı şəhərindən bir sıra görkəmli xanəndələr və musiqiçilər tərəfindən dəvət alaraq Bakıya köçmüş və bundan sonrakı, sənət fəaliyyətini Bakı şəhərində davam etdirmişdir.
1992-ci ildə Ümid instrumental ansanblı ilə ilk dəfə Azərbaycan dövlət televiziyasında konsert proqramı ilə çıxış etmişdir. Dinləyicilər üçün 1995-ci ildə ilk "Ayrılaq" adlı kasetini yazdırmış, bundan sonra 1997-ci ildə "Sevgililər görüşəndə", 1999-cu ildə "BU qızların əlindən", 2000-ci ildə "Səni sevirəm deyəndə", 2002-ci ildə "Yandırdı məni", 2003-cü ildə "Gizir oğlu Mustafa bəy", 2005-ci ildə "Bu həsrət", 2008-ci ildə "Leylican" adlı kaset və disklərini təqdim etmişdir.
Ən çox sevdiyi mahnısı "Vətənə getməyim gəlir" musiqi-kompozisiyasıdır. Musiqi sırf Qarabağımızla, vətən həsrəti ilə yaşayan insanların arzusu ilə bağlıdır. Bu mahnıya 2002-ci ildə klip də çəkildi.
Çoxlu sayda diplom və fəxri fərmanlarlarla, iki "Qızıl ulduz" mukafatı ilə təltif olunmuşdur. Sevilən mahnıları üçün kliplər də çəkdirərək tamaşaçıların ixtiyarına buraxmışdır.
Hal hazırda həm müğəni həm də bəstəkar kimi sənət fəaliyyətini davam etdirir. Müğənni Nadir Bayramlı Digər şou nümayəndələri kimi adı qalmaqallarda hallanmayan müğənni daha çox yeni mahnıları ilə gündəmdə olur. Hetta ifaçiya qalmaqalla gündeme gelmesi teklif olunduqda bele o bunu qetiyyetle redd edir. İfaçılıqla yanaşı, bəstəkarlıqla da məşğul olan N. Bayramlı el şənliklərində də iştirak edir.
Ailəlidir 3 övladı və 4 nəvəsi var.