Ötən günlərdə redaksiyamıza Siyəzən rayon taksi sürücüləri tərəfindən soyadını bilmədiyimiz Rəfiqə adlı Siyəzən rayon sakininin bilicilik adı altında yaşadığı ünvanda fəaliyyət göstərərək dələduzluq etməsi barəsində şikayət daxil olmuşdur. Şikayətin məzmununda həmin şəxsin insanları aldadaraq onlardan yalan vədlərlə pul aldığı öz əksini tapmışdır. Şikayət əsasında 8 aprel 2024-cü il tarixində “XEBERGLOBALTV.AZ” veb saytının əməkdaşları adı çəkilən ünvana yollanmış və obyektiv jurnalis araşdırması aparmışlardır. Peşə fəaliyyətini icra edən əməkdaşımız birmənalı olaraq Rəfiqə xanımın evində olmuş və şikayətin tamamilə doğruluğunu araşdırmış və müsbət nəticələndirmişdir. Əməkdaşlarımız Rəfiqə xanımın mənzilindən uzaqlaşaraq dərhal Siyəzən Rayon Polis Şöbəsinə yollanmış və öz araşdırmalarını yerli hüquq mühafizə orqanlarına təqdim etmişlər. Araşdırmamızda adı çəkilən xanımın birbaşa səs yazısı da yer almaqda idi. Siyəzən polisi isə müraciətimizə dərhal reaksiya vermiş, məsələ ilə yaxından maraqlanaraq təxirəsalınmaz tədbirlərini həyata keçirmişdir.Məsələnin araşdırılması hal hazırda Siyəzən Rayon Polis Şönəsinin təhqiqat bölməsinin təhqiqatçısı Mətləb Müəllimin icrahatındadır.Bunun üçün redaksiyamızın rəhbərliyi başda olmaqla bütün əməkdaşlarımız tərəfindən Siyəzən Rayon Polis Şöbəsi və onun polis və zabit heyətinə öz dərin minnətdarlığımızı bildirir və asayişi adekvat olaraq qoruduqlar üçün öz səmimi təşəkkürlərimizi ünvanlayırıq.
