Hərbiçi arvadı əri tərəfindən vəhşicəsinə döyüldü...
Bildirmək istəyirik ki, 2017 ci ildə ailə qurmuş bu cütlük dəfələrlə bənzər hallarla qarşılaşsa da, bu dəfəki münaqişənin sonu acınacaqlı fəsadlarla sonlanmışdır. Belə ki, təqsirləndirilən şəxs 02.05.2024 tarixində arvadı Ə.S.N qızının anası ilə birgə Ağstafa rayon Köçəsgər kəndində yaşadığı evə basqın edərək arvadını vəhşicəsinə döymüşdür. Zərərçəkmişin yaşlı anası müdaxilə etmək məqsədiylə araya girməyə çalışsa da Əliyev Xəyal Tahir oğlu düşmən qarşısında göstərməli olduğu öz qol gücünü köməksiz yaşlı qadına da nümayiş etdirməkdən qaçınmayıb. Hadisə nəticəsində Təcili tibbi yardım tərəfindən Ə.S.N qızı müxtəlif bədən nahiyələrində xəsarətlər, kəllə-beyin travması ilə Ağstafa rayon mərkəzi xəstəxanasına aparılıb. Onun həmçinin başından aldığı zərbələr nəticəsində danışıq qabiliyyətində ciddi fəsadlar yaranmışdır. Bütün bunlarla ürəyi soyumayan Xəyal Əliyev dünən gecə radələrində sərxoş halda adı çəkilən evə yenidən hücum çəkmişdir. Həmçinin onu da nəzərinizə çatdıraq ki, 11 ay öncə Xəyal Əliyev yaşlı qaynanası Q.B. övladının canı ilə hədələyərək ondan kredit vasitəsilə 6700 manat məbləğində pul götürüb ona verməsini tələb etmişdir. Yaşlı qadın Xəyal Əliyevin tələbini yerinə yetirmədiyi təqdirdə nələrin yaşayacağına bələd olduğu üçün həmin pulu ABB bankından kredit götürərək ona vermişdir. Xəyal Əliyev isə bu pulla xidmət etdiyi hərbi hissənin tankını düzeltdireceyini bildirib. Məgər Müzəffər Ali Baş Komandanımız, Qarabağ Fatehi, Yenilməz Sərkərdə İlham Heydər oğlu Əliyev ordumuzun təchizatı üçün yetərincə vəsait ayırmayıbmı ki, hər hansı bir gizir onun layiqincə komandanlıq etdiyi ordunun tankını yaşlı qadının vəsaiti ilə düzəltdirir? Xəyal Əliyevin ordumuz sıralarında gizir olaraq xidmət etməsi belə özü çox müəmmalı məsələlərdən biridir. Arvadının ailə üzüvlerinin müsahibəsi zamanı onlar Xəyal Əliyevin 4000 manat məbləğində hərbi hissə komandirinə təqdim etdiyi rüşvət neticesinde bu rütbəyə yüksəldiyini bildirmişlər. Hətta arada vasitəçilik edən şəxsin Xəyal Əliyevin dostu, qonşusu və o cümlədən, silahdaşı Mahir adlı hərbi qulluqçunun olduğu bildirilir.
Hal hazırda məsələ zərərçəkmiş Ə.S.N qızının izahat verə biləcək vəziyyətdə olmadığından hadisənin canlı şahidi Xəyal Əliyevin qaynanasının şikayət ərizəsi əsasında Şəmkir Rayon Hərbi Prokurorluğu tərəfindən araşdırılaraq qanunlarımızın tələb etdiyi çərçivədə hüquqi qiymət verilməsi gözlənilir. Məsələ həmçinin Prokuror köməkçisi Əli İbrahimovun icrahatındadır. Araşdırmanın nəticələri siz dəyərli oxucuların nəzərinə qərəzsiz və obyektiv şəkildə çatdırılacaqdır.
