Millətlər Liqası: Azərbaycan millisinin Estoniya və Slovakiya ilə oyunlar üçün heyəti açıqlanıb
Komandaya cəlb olunan oyunçuların adlarını Azərbaycan millisinin baş məşqçisi Fernandu Santuş mətbuat konfransında elan edib.
Portuqaliyalı mütəxəssis 24 futbolçuya dəvət göndərib.
Qapıçılar: Rza Cəfərov ("Neftçi"), Mehdi Cənnətov ("Sumqayıt"), Aydın Bayramov ("Zirə")
Müdafiəçilər: Bədavi Hüseynov, Elvin Cəfərquliyev, Bəhlul Mustafazadə, Abbas Hüseynov (hamısı "Qarabağ"), Qismət Alıyev, ("Zirə"), Rahil Məmmədov ("Radomyak", Polşa), Şəhriyar Əliyev ("Turan Tovuz"), Zamiq Əliyev (“Eqnatiya”, Albaniya), Anton Krivotsyuk (“Daejon”)
Yarımmüdafiəçilər: Toral Bayramov, Aleksey İsayev (hər ikisi “Qarabağ”), Elvin Camalov, ("Sabah"), Ceyhun Nuriyev (“Zirə”), Coşqun Diniyev ("Bandırmaspor", Türkiyə), Emin Mahmudov ("Neftçi"), Ozan Can Kökçü (HIK, Finlandiya), Xəyal Nəcəfov ("Turan Tovuz")
Hücumçular: Ramil Şeydayev (“Neftçi”), Rüstəm Əhmədzadə ("Zirə"), Renat Dadaşov ("Ankaragücü, Türkiyə), Mahir Emreli (“Nürnberq”, Almaniya)
Qeyd edək ki, oktyabrın 11-də səfərdə Estoniyanın qonağı olacaq Azərbaycan millisi 3 gün sonra Tofiq Bəhramov adına Respublika Stadionunda Slovakiyanı qəbul edəcək.
