Göygöl Rayon İcra Hakimiyyəti, Yeni Azərbaycan Partiyası Göygöl rayon təşkilatı, Təhsil sektoru, Gənclər Evi SXM və Gənclər İdman sektorunun birgə təşkilatçılığı ilə Ümummilli Lider Heydər Əliyevin 101 illiyi ilə bağlı tədbirlər planı çərçivəsində “Heydər Əliyev uşaqların gözü ilə” adlı məktəblilərarası rəsm müsabiqəsi keçirilib.
Müsabiqənin açılış mərasimində Göygöl Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Kəmalə İbrahimova, YAP Göygöl rayon təşkilatının sədri Vüqar İsayev, Gənclər Evinin direktoru Şəhriyar İsmayılzadə, Qarabağ Əlillərinə Qayğı İB Göygöl filialının sədri Araz Abbasov və məktəb rəhbərləri iştirak ediblər.
Müsabiqədə rayonun 27 ümümtəhsil məktəbindən olan şagirdər iştirak edib və qaliblər müəyyən olunub. Ulu Öndər Heydər Əliyevin 101 illiyi ilə bağlı Göygöl rayonunda silsilə tədbirlər davam edir və 10 may 2024-cü il tarixdə keçiriləcək yekun ümumrayon tədbirində qaliblərin təltif olunması nəzərdə tutulur.