Yeni Xalq Cəbhəsi mərkəzçi düşərgəni geridə qoyduqdan və bazar günü erkən parlament seçkilərində ikinci yeri tutduqdan bəri, prezident Emmanuel Makron verdiyi ilk açıqlamalarda “heç kimin qalib gəlmədiyini” bəyan edib və “respublika qüvvələrini” ölkəni idarə etmək üçün “güclü çoxluq” yaratmağa səsləyib.
İyulun 11-də Fransada həmkarlar ittifaqlarının liderlərindən biri prezident Emmanuel Makronu sol alyansın parlament seçkilərində qalib gəldikdən sonra ölkəni idarə etməsinə imkan verməyə çağırıb və istənilən alternativin Parisdə keçiriləcək Olimpiada zamanı etirazlara səbəb olacağına işarə edib.
“CGT” həmkarlar ittifaqının lideri Sofi Bine bildirib ki, Makronun seçkinin nəticələrini inkar edir və o, Yeni Xalq Cəbhəsinin seçəcəyi şəxsi baş nazir təyin etməlidir. Alyans üzvləri bütün həftə ərzində ad və çoxluq olmadan idarəetmə strategiyasını müzakirə etməyə çalışıblar.
“Emmanuel Makron vəziyyəti inkar etməkdən əl çəkməlidir. O, seçkilərdə məğlub olub. Versal sarayına çəkilən XVI Lüdovik kimi davranır. O, ölkənn tələblərini dinləməli və özünü dünyadan bu qədər təcrid etməməlidir”, - deyə S.Bine “LCI” telekanalının efirində bildirib.
Makronun açıqlamaları, yeni seçilmiş parlament assambleyasının toplanacağı gün - 18 iyulda etirazlara çağıran “CGT” Həmkarlar İttifaqı da daxil olmaqla, fransız cəmiyyətində qəzəb dalğasına səbəb olub. CGT-nin bəyanatında bildirilir ki, hökumətin formalaşdırılmasını tələb etmək üçün etiraz aksiyaları prefekturaların, dövlət orqanlarının və Milli Assambleyanın binası qarşısında keçirilməlidir.
Sol blokun radikal lideri Jan Lük Melanşon, Makronun yaratmağa çalışdığı intriqaları axırıncı Fransa Respublikasının son günləri ilə müqayisə edib və prezidentdən “təzim etməyi və yeni xalq cəbhəsi qurmağı” tələb edib.
Daha böyük və mötədil “CFDT” Həmkarlar İttifaqının rəhbəri Meriliz Leon, “NNF-in proqramı növbəti hökumət üçün başlanğıc nöqtəsi olmalıdır. “Vətəndaşlar məhz buna səs veriblər. Onların səsinə hörmət etmək lazımdır”, - deyə “France Inter” radiostansiyasının efirində bəyan edib.