Fransa prezidenti Emmanuel Makron parlament seçkilərində sağçılar qələbə qazanarsa, istefaya gedə biləcəyini deyib.
Bu barədə xarici KİV diplomatik mənbələrə istinadən məlumat yayıb.
Məlumata görə, Makron bildirib ki, qarşıdakı parlament seçkilərində hakim partiya nisbi çoxluğu qoruyub saxlaya bilməsə, o, vaxtından əvəvl istefaya gedə bilər.
Xatırladaq ki, iyunun 9-da Fransa prezidenti ölkə parlamentinin buraxılması və növbədənkənar seçkilərin keçirilməsi barədə qərar qəbul edib.
"Növbədənkənar parlament seçkilərinə çağırıram. Birinci tur iyunun 30-da, ikinci tur isə iyulun 7-də baş keçiriləcək", - Makron Fransa xalqına müraciətində deyib.
Bununla da Makron partiyasının Avropa Parlamentinə seçkilərdəki ciddi məğlubiyyətini qəbul edib. Qeyd edək ki, Makronun partiyası Avropa Parlamentinə seçkilərdə səslərin 15,4 faizini toplayıb. Bu isə səslərin 32 faizini toplamış müxalif sağçı "Milli birlik" partiyasının səslərindən iki dəfə azdır.